Яхши гапгаям, ёмонигаям фаришталар омин дейишадику)) Лойиқ бўлмаганга омад тилаш хам нотўғри!
2012 йилда барча бўлганига шукр, яхшисидан завқландик, ёмонидан дарс олдик. Бўлганига шукр, қолганига омон бўлсак, имкон хамиша бор!
Орзу билан яшаш хаммага насиб этсин, армон ортга тортар, бахт томон эса орзу! Орзулар армонларни қоплаши мумкинлигини хаёт тажрибамдан биламан.
Келаётган 2013 йил барча ЛОЙИҚларга муносиб тарзда келишини тилайман. Ким мехнат қилган бўлса самарасини олсин, тоза ва соф нияти билан амалга оширган харакатлари нафақат савобида, балки рўёсида хам намоёнланиб, муносиб тарзда мукофотланишини истардим.
Йилнинг рақам ёки мучал башорат қилган бахтию, тахти бўлмайди. Уни харқанча мучал кийимида кутманг, рақамлар асосида 13та гугуртни ёқиб чайнаманг, барибир, йил давомида нимаики қилсангиз, ўз харакат ва қилган ишингиздан самара оласиз, мучал ва рақамлар ёрдами билан эмас!
Иримлардан қочайлик, реалроқ бўлайлик. (Иримчилар биздан эмас (с) Мухаммад САВ)
Рақамлардан унумли фойдаланайлик, масалан бу йил амалга ошмаган режаларимизни 2013 йилда қилиниши керак бўлган ва орзу қилган нарсалар харқанча орзу ва қўл етмас нореал бир фантастик эртакдек бўлмасин, барибир шу рақамлар ёнидан ёзилиб, жой олсин.
Токи бу хам йил бошиданоқ онгимизга ёзилиб, йил давомида шунга етишишга ундаб тургувчи туртки сифатида хизмат қилсин. Ишонаверинг, орзулар аслида йўқ, оддий режалар мавжуд. Орзуни режа асосида ёзиб чиқиб харакат қилинг, ва ишонаверинг, хамма нарсани иложи бор!
Бунга шахсий хаётимдаги барча бор-йўқ ютуқ ва муваффаққиятларимни намуна сифатида келтиришим мумкин.
Билмадим, янги йилда юз кўришамизми, ёзишиб ўқишамизми, лекин нимаики шу сайт орқали қилган бўлсам, тўғриси, яхши ниятда бўлган. Буни ўзим ва Эгаси олдида биламан.
Хайрлашиш онлари нақ 1 январьдан бўлмаса хам, бирдан йўқ бўлиб қолишдан аввал хайрлашишни хозир лозим топдим.
2013 йил бошиданоқ , аста секинлик билан интернет оламини мутлақо тарк этаман. Бу режамдаги аниқ ва энг мухим қарорим. Балки ошкор қилиб бўлмас ўзимга аён хақиқатларим бордир. Ким учун пиардир, ким реклама деб қабул қилди, ким эса рости кетишимни истамади... Истамаганлар сони бу қадар кўплигини билардиму, лекин сезмасдим. Эххей , қанча хатлар оляпман, тадбирлар ва хатто кўча-куйда учраб таниганлардан хам, қанча одамлар келиб, кетмаслигимни илтимос қилаётганларидан буни сездим... хурсандман албатта...лекин..
Билмадим, Худомасману, ўзимни келгуси хатти харакатларимга олдиндан бахо беролмайман, сабаби, ўзим учун хам ўзим топишмоқман. Бирон минутдан кейин қарорим қандай бўлишини ўзим хам билмайман ва қилган ишимдан жудаям кўп маротаба...
Йўқ, ачинмаганман.
Хайратланганман!
Ажабланаман, хайратланаман...)) Кимга ғалати ва ўзим учун жумбоқ бўлган, ўз-ўзимга бегона инсонман, буни хамиша тан олганман.
Қизиқ хаётим лекин))
Нимаики бўлмасин, ким қандай бўлмасин, хамманинг хаётидаги хар бир жараён қизиқ кечишини хам тилайман! Яшаш шунда завқли!
Биттаю хаёт, яшаш керак! Ол ололганингни, ололмаганингга бутун хаёт олдинда, интил!
Ўхшамадими? Кўнгилни чўктирма, нолима, сен жаннатга эмас, реал хаётга дунёга келгансан!
Нариги дунёда имконият бўлмайди, яшаяпсанми-имкон хамиша хаммада хар доим БОР! Ўша жаннат ёки дўзахга тушгунча қаерга боришингни аниқлаш учун хам , шу хаётда барча имкониятлар ўз қўлингда!
Янги йил.... у мен учун бенгальские огни каби!
Шу билан бу байрам менда "асоциируеться".
Хамма нарсани боши ва охири бор, лекин мана шу бенгальские огни каби, охиригача ёниб тугагунча ЁНИБ, оловланганда учқунларни хар тарафга сочган холда, ёнса хам, оловларини отса хам зарарсиз ва озорсиз, ёрқин ва жиловланиб инсоният ва атроф мухитга завқ бағишлаб, ижобий яшашга нима етсин?!
Ўзинг ёнганинг бошқа, биргаликда ёнганга-чи?!))
Эх, биттаю хаёт... ЯША!
Завқланиб, қизиқиб, ошиқиб, ёниб, севиб, интилиб, ЖАРАЁНДА ЯШАШ КЕРАК!!!!!!!!!!!!!!!!!!
2013 йил табаррук!
Самимият ила Сайёдингиз! ;-)