Ёдингизда бўлса, "Диққат: Сайёр камера!" деб номаланган мақола ёзиб, унда "Тошкент" телеканалида эфирга узатилаётган кўрсатув хақида ёзгандим (манбаа) 

Бугун бир танишимдан смс келди ва "Тошкент" каналини томоша қилишимни тавсия қилди.

Мазкур каналга твни созлаганимда қизиқ кўрсатувни томошабини бўлдим.

"Очиқ мулоқот" кўрсатуви "Сайёр камера" каби Тошкент ва Тошкент вилоятидаги сув ва электр токи йўқлигидан то турар жойларидаги бошқа муамоларни  ошкора намойиш қилиб одамлар эътирозини кўрсатди.

"Очиқ мулоқот"даги йиғилганлар хокимият ва ёки муаммоларни бартараф этгувчи АНИҚ мутасаддилари эмас мухандислар ва туман хусусий уй-жой ширкат вакиллари бўлгани кўрсатувни "Ўчиқ мулоқот" сифатида қабул қилишга ундайди. 

Мавзу бор, тахлил сустроқ ва ечим эса доимгидек ваъдалардан иборатдек. 

"Очиқ мулоқот" кўрсатуви азалдан бор экан ва мен каби Ўзтвни деярли томоша қилмайдиганлар учун янгилик бўлар. 

Менимча  ошкора танқид ва энг демократик кўрсатувларни ўз ичига олган телеканал хозирча "Тошкент" телеканаллигича қолмоқда.    "Сайёр камера" кўрсатуви хақидаги  мақоламда айтганимдек бундай кўрсатувлар эфир диапазони чегараланган телеканалда, фақат пойтахтда намойиш билан чекланибгина қолмай, Республика миқёсида хам намойиш қилиниб, берилган ваъдаларни натижаларини хам текширадиган кўрсатув сони қилинса нур устига аъло нур бўларди. Ёки хеч бўлмаса муаммога аниқ масъул  мутасаддиларни таклиф қилишса.